Достар!

Баршаңызды 12 сәуір – Ғылым қызметкерлері күнімен шын жүректен құттықтаймыз!

Мемлекет басшысы Қасым-Жомарт Тоқаев атап өткендей, «Кез келген дамыған, яғни, озық мемлекеттің қазығы – ғылым, ал қазынасы – ғалым». Сондықтан бұл күн – адамзат баласының игілігі жолында қалтқысыз қызмет етіп келе жатқан ақыл-ой иелерін ардақ тұтар қастерлі мезет. Ғалымдар қауымы ашқан жаңалықтар мемлекетімізді жемісті жетістіктерге жетелейді.

Ғалым жолы – табандылық пен тапқырлықтың, ізденіс пен ізгілікке деген ұмтылыстың жолы. Осы жолда соны соқпақ салып, биік белестерді бағындыра білген барша ғалымдарымызға зор денсаулық, шалқар шабыт және толайым табыс тілейміз!