#ZARMED2026_International_Forum

Xalqaro forumga sanoqli soatlar qoldi

Ertaga — 15-aprel kuni ZARMED Universitetining Samarqand kampusida “Talabalarning ta’lim, taraqqiyot va madaniyatlararo muloqot platformasi” mavzusida Xalqaro talabalar forumi start oladi.

Mazkur forumda 20 ga yaqin davlatdan 200 ga yaqin ishtirokchilar qatnashishi kutilmoqda. Tadbir doirasida turli mamlakatlardan kelgan yoshlar o‘zaro tajriba almashish, yangi g‘oyalar bilan o‘rtoqlashish va xalqaro hamkorlikni mustahkamlash imkoniga ega bo‘ladilar.

ZARMED Universiteti ushbu forum orqali nafaqat ta’lim sohasidagi faoliyatini kengaytirmoqda, balki global miqyosda yoshlarni birlashtiruvchi muhim platformaga aylanib bormoqda. Bu esa universitetning xalqaro maydondagi o‘rni tobora mustahkamlanayotganini ko‘rsatadi.