❗️Surxondaryo viloyatining Sherobod tumanida issiqxonalar uchun salkam ming gektar joy ajratildi

Bu bo’yicha Prezident qarori (PQ-108, 25.03.2026) qabul qilindi.

Unga ko’ra:

➖ 940 gektar maydonda joylashadigan “Surxon-Agro” erkin iqtisodiy zonasining faoliyat yuritish muddati keyinchalik uzaytirish sharti bilan 30 yilni tashkil etadi;

➖ 2026-yil 1-apreldan boshlab “Surxon-Agro” zonasida yer maydonlarini tekislash va tizimli ravishda agrotexnik ishlov berish hamda irrigatsiya tarmoqlarini sozlash ishlari boshlanadi;

➖ “Surxon-Agro” zonasida faoliyat olib boradigan issiqxona xo’jaliklariga quyidagi imtiyoz va preferensiyalar taqdim etiladi:

�� yer uchastkalari tadbirkorlarga elektron onlayn auksion orqali ijaraga berilganda 5 yil davomida ijara to’lovining nol stavkasi qo’llaniladi;

�� issiqxonalarni sug’orish va texnologik jarayonlar uchun ishlatiladigan oqova va yerosti suvlari uchun to’lovlardan 3 yil
muddatga ozod etiladi;

�� anomal sovuq ob-havo sharoitlari davrida (Gidrometeorologiya
xizmati agentligining havo harorati keskin pasayishi to’g’risidagi ma’lumotlari asosida), istisno tariqasida, belgilangan ekologik talablarga rioya qilgan holda ko’mir yoqishga ruxsat etiladi.

ℹ️ Ma’lumot uchun, avvalroq Toshkent shahri va unga tutash hududlardagi issiqxonalar energiya tejamkor va tabiiy-iqlim sharoiti qulay boʻlgan hududlarga bosqichma-bosqich koʻchirilishi aytilgandi.


�� @xushnudbek ��