“Turon” maktab teatri respublika tanlovining hududiy bosqichlari o‘tkaziladigan sanalar e’lon qilindi

Maktabgacha va maktab ta’limi vazirligi huzuridagi Respublika “Kelajak” markazi tomonidan an’anaviy tarzda o‘tkazib kelinayotgan ushbu tanlovda umumiy o‘rta ta’lim maktablarining 6–10-sinf o‘quvchilari jamoaviy tarzda o‘z iqtidorlarini namoyon etmoqda.

Tanlovning hududiy bosqichlari 1–10-aprel kunlari bo‘lib o‘tadi. Unda tuman bosqichidan saralangan 208 ta maktab jamoasi respublika bosqichiga yo‘llanma uchun bahslashadi.

Tanlovning respublika bosqichida birinchi o‘rinni qo‘lga kiritgan jamoa xorijiy davlatga ta’lim sayohatini qoʻlga kiritadi.

Tanlov haqida ma’lumotlarni Respublika “Kelajak” markazining ijtimoiy tarmoqlardagi rasmiy sahifalari orqali kuzatib borish mumkin.

�� @xushnudbek ��