❓Endi ketma-ket 4-5 kunlab dam olmaymizmi?

Aytgancha, har yilgi an’anaga ko‘ra, yil oxirida Prezident farmoni bilan kelgusi yil uchun qo‘shimcha dam olish kunlari oldindan ma’lum qilinar edi. Ammo joriy yilda faqat Yangi yil bayrami uchun qo‘shimcha dam olish kuni e’lon qilindi xolos.

Negadir 2025-yilda rasmiy sanalarni nishonlash davrida qo‘shimcha ishlanmaydigan kunlarni belgilash va dam olish kunlarini ko‘chirish to‘g‘risida farmon chiqmadi (maxfiy chiqmagan bo‘lsa, albatta).

Ochig‘i, bu nimadan dalolat ekanligini bilmadim. 2025-yilda Navro‘z, Mustaqillik, Hayit bayramlari arafasida oldingidek ketma-ket 4-5 kunlab dam olish bo‘lmaydimi endi? Yoki har bayramdan oldin alohida-alohida qarorlar chiqadimi? Unda bu noqulay-ku.

Chunki dam olish kunlarini yil oxirida tasdiqlab qo‘yishdan asosiy maqsad, ichki turizmni rivojlantirish edi. Aholi oldindan rejasini qilib, biletlarini olib, mehmonxonalarni band qilsin, degan ezgu g‘oya bor edi va bu bir necha yil davomida samarasini berdi. Endi nega bu amaliyotdan voz kechildi, hayronman.

Kimdir izoh bersa, yaxshi bo‘lardi. Menimcha, bunga asosiy mas’ul Bandlik vazirligi bo‘lsa kerak.


👉 @xushnudbek 👈