🇯🇵 Yaponiya tajribasi – Surxondaryoda!

📍 Bugun Uzun Agro-Star tashabbusi bilan Surxondaryo viloyati, Uzun tumani, TDIL fermer xo‘jaligi maydonida “Xurmo bog‘ida kesish, parvarishlash va o‘g‘itlash” mavzusida o‘quv-amaliy seminar tashkil etildi.

👨🏻‍🏫 Seminarni Tokio Qishloq xo‘jaligi va texnologiyalar universiteti professor-olimlari Takuya Ban hamda Noma Satoshi olib bordilar.

🌳 25 yildan ortiq faoliyatini xurmo yetishtirish va ilmiy tadqiqotlarga bag‘ishlagan professor Takuya Ban o‘zining ko‘p yillik amaliy tajribasi, zamonaviy agrotexnik yondashuvlari hamda yuqori hosildorlikka erishish bo‘yicha amaliy tavsiyalarini fermerlar, bog‘bonlar va mahalliy aholi bilan o‘rtoqlashdi.

📚 Seminar davomida quyidagi mavzular atroflicha yoritildi:

✂️ Xurmo daraxtini to‘g‘ri kesish va shakllantirish usullari
🌿 Hosildorlikni oshirishda o‘g‘itlash tizimining ahamiyati
🛡 Kasallik va zararkunandalarga qarshi profilaktik choralar
🌱 Yaponiya tajribasi asosida intensiv bog‘ tashkil etish yondashuvlari

🤝 Mazkur seminar hududda xurmo yetishtirish samaradorligini oshirish, ilmiy yondashuvlarni amaliyotga joriy etish hamda bog‘bonlarning malakasini yuksaltirishga xizmat qiladi.

Telegram | Instagram* | Facebook* | YouTube