Давлатимиз раҳбарининг парламент палаталарида сўзлаган нутқлари, Олий Мажлис ва Ўзбекистон халқига Мурожаатномасида белгилаб берилган устувор вазифалар бугунги кунда сиёсий партиялар фракциялари фаолияти самарадорлигини оширишда муҳим аҳамият касб этмоқда. Айни вақтда O'zLiDeP фракцияси фаолияти, депутатларимизнинг ишчан саъй-ҳаракатлари ҳамда қонун ижодкорлиги учун ўзига хос дастур бўлиб хизмат қиляпти. Мамлакатимиз раҳбари томонидан илгари сурилган ғоялар ва ташаббуслар фракциямиз фаолиятини янада фаоллаштириб, янги мақсадларга кенг йўл очмоқда.