Сурхондарё вилояти прокурори Б.Бабаджанов раислигида кенгайтирилган ҳайъат мажлиси бўлиб ўтди.

Унда вилоят прокуратура органларининг 2026 йилнинг 1-ярим йиллигидаги фаолияти натижалари танқидий муҳокама қилинди.

Жорий йилнинг ўтган даврида 7 мингдан ортиқ прокурор назорати ҳужжатлари қўллаш орқали 65,3 минг нафарга яқин фуқароларнинг бузилган ҳуқуқлари тикланганлиги таъкидланди.

Текширишлар ва дастлабки тергов давомида айбдор шахслардан фуқароларга ва давлат манфаатларига етказилган 57,1 млрд. сўмлик зарар ундирилганлиги қайд қилинди.

Ҳайъат йиғилишида прокурорлар томонидан ҳудудларда ижтимоий-иқтисодий ва маиший соҳаларда йиғилиб қолган муаммоларни ҳал этиш, жиноятчиликка қарши курашиш, жазо муқаррарлигини таъминлаш ва бошқа долзарб йўналишларда амалга оширилган ишлар ва мавжуд муаммолар алоҳида ўрин эгаллади.

Йиғилишда, масъулларнинг тушунтириш ва изоҳлари тингланиб, камчиликларни бартараф этиш бўйича ижро муддатлари белгиланиб, аниқ топшириқлар берилди ва келгусидаги устувор вазифалар белгилаб олинди.

🌐 Бош прокуратуранинг ижтимоий тармоқлардаги саҳифаларига аъзо бўлинг!

Telegram | Instagram* | YouTube | Facebook* | Veb-sayt