"O‘ZATOM"DA O‘ZBEK TILIGA DAVLAT TILI MAQOMI BERILGANINING 36 YILLIGI NISHONLANDI

"O‘zatom"da o‘zbek tiliga davlat tili maqomi berilganining 36 yilligiga bag‘ishlangan ma’naviy-ma’rifiy tadbir bo‘lib o‘tdi. Uchrashuv Agentlik va AES qurilishi direksiyasi xodimlarini birlashtirgan holda iliq va ko‘tarinki ruhda o‘tdi.

Tadbirning maxsus mehmoni O‘zbekiston Yozuvchilar uyushmasi a’zosi Shohsanam Nishonova ona tilini asrab-avaylash va rivojlantirishning ahamiyati haqida nutq so‘zladi.

"Mamlakatimizda o‘zbek tilini rivojlantirish bo‘yicha ko‘p ishlar qilinmoqda. Lekin, afsuski, statistik ma’lumotlarga ko‘ra, u yo‘qolib borayotgan tillar qatoriga kiradi. Bu vaziyatni o‘zgartirish uchun hammamiz birgalikda harakat qilishimiz kerak. Bugungi uchrashuv fikr almashish va tilimizning nufuzini oshirishga yordam beradigan g‘oyalarni ishlab chiqish uchun ajoyib maydondir. Madaniy o‘ziga xoslikni saqlab qolishimiz muhim. Ona tili – milliy o‘zligimizning asosi", – deya ta’kidladi Shohsanam Nishonova

.

Tadbirda davlat tilida ish yuritishni takomillashtirish, uning nufuzini oshirish va qo‘llanish doirasini kengaytirish chora-tadbirlari muhokama qilindi.

Tadbir o‘zbek tilini ommalashtirish, uning davlat va jamiyat tuzilmalaridagi rolini kuchaytirishga qaratilgan tashabbuslarni faol muhokama qilish bilan yakunlandi.

O‘zatom | Facebook | Instagram | YouTube | X | LinkedIn

“Bustlar” qoldiring
Оставляйте «бусты»