🇦🇿🇺🇦 Украинa 2025–2026 қиш мавсуми учун Озарбайжондан “муҳим ёрдам” олганини маълум қилди

Украина энергетика вазири Денис Шмигальнинг айтишича, Озарбайжон томонидан генераторлар, трансформаторлар, кабел маҳсулотлари ва бошқа зарур ускуналар етказиб берилган.

«Озарбайжон бизнинг барқарорлигимизга сезиларли ҳисса қўшди (…). Ҳамкорларимиз генераторлар, трансформаторлар, кабел маҳсулотлари ва бошқа ҳаётий муҳим ускуналарни етказиб берди. (…) Бугунги кунда бу ёрдам бизга қиш мавсумига тайёргарлик кўришда кўмак бермоқда»,

— деди у.

Шмигаль шунингдек, Озарбайжон президенти Илҳом Алиев ва энергетика вазири Пярвиз Шаҳбазовга миннатдорлик билдирди. Унинг маълум қилишича, Боку Киевга 11 та энергетик ёрдам пакети тақдим этган.

Умуман олганда, бундай миннатдорчиликни яширинча, ёпиқ музокарада ҳам билдириш мумкин эди. Лекин Киев буни очиқ ва намойишкорона қилишни афзал кўрмоқда — бу Москвага ҳамкорлик қандай йўналиш олганини кўрсатиш учун қилинмоқда. Ва, “ҳамкор” буни яширмайди, аксинча фахрланмоқда.

#Геосиёсат #Украина #Озарбайжон

@turoneksress