“Butunjahon salomatlik kuni”

7-aprel — “Butunjahon salomatlik kuni” munosabati bilan sog‘lom turmush tarzini targ‘ib etish, xodimlarning jismoniy faolligini oshirish hamda sportni keng ommalashtirish maqsadida O‘zbekiston kasaba uyushmalari Federatsiyasi Surxondaryo viloyati Kengashi tomonidan sportning shaxmat va stol tennisi turlari bo‘yicha musobaqalar tashkil etildi.

��Mazkur musobaqada turli tashkilot va muassasalarda faoliyat yuritayotgan sportsevar xodimlar o‘zaro kuch sinashib, qiziqarli va murosasiz bahslarda ishtirok etdi.

��Quvonarlisi, ushbu musobaqada Termiz iqtisodiyot va servis universiteti Strategik rivojlantirish departamenti boshlig‘i Jahongir Shoturayev ham faol ishtirok etib, yuqori natijalarni qayd etdi. U sportning stol tennisi turi bo‘yicha o‘z mahoratini namoyon qilib, yakunda faxrli 2-o‘rinni qo‘lga kiritdi.

Musobaqa yakunida g‘olib va sovrindorlar tashkilotchilar tomonidan diplom hamda esdalik sovg‘alari bilan taqdirlandi.

Ijtimoiy tarmoqdagi sahifalarimizni kuzatib boring!
��Instagram*/ �Telegram/ � Website/ �You Tube /�Facebook*