TIFT universitetida hamkorlik doirasi kengaymoqda!

Samarqandda o'tkazilgan Markaziy Osiyo – Yevropa Ittifoqi universitetlari kongressi doirasida TIFT universiteti xalqaro hamkorligini yanada kengaytirdi.

Xususan, universitetimiz hamda Polsha davlat University of Gdansk o‘rtasida o‘zaro hamkorlik memorandumi imzolandi.

Gdansk University Polshaning yetakchi davlat oliy ta’lim muassasasi bo‘lib, mamlakatdagi TOP universitetlar qatoriga kiradi hamda Iqtisodiyot, Menejment, Bank-moliya, Xalqaro munosabatlar, Marketing, Matematika, Axborot texnologiyalari, Ingliz tili filologiyasi kabi yo‘nalishlari bilan mashhur.

Mazkur memorandumga muvofiq, tomonlar o‘rtasida 1+1 va 2+2 ta’lim dasturlari, qo‘shma ta’lim (dual degree) loyihalari, talabalar almashinuvi dasturlari, professor-o‘qituvchilar almashinuvi va ilmiy hamkorlik yo‘lga qo‘yiladi.

Ushbu hamkorlik talabalarga Yevropa ta’lim standartlari asosida bilim olish va global tajriba orttirish uchun keng imkoniyatlar yaratadi

Aloqa markazi: +998712029229
@tiftyordam

Telegram | Instagram* | Facebook* | Youtube