TIFT talabasi — O‘zbekiston kubogi g‘olibi!

Universitetimizning sport yo‘nalishi 1-bosqich talabasi Abduqayumov E’zozbek Kozimjon o‘g‘li belbog‘li kurash bo‘yicha Nukus shahrida o‘tkazilgan yoshlar o‘rtasidagi O‘zbekiston kubogi musobaqasida munosib ishtirok etib, 90 kg vazn toifasida g‘oliblikni qo‘lga kiritdi.

Ushbu yutuq — talabamizning mehnati, qat’iyati va sportga bo‘lgan sadoqatining yorqin natijasidir. TIFT universiteti sportchi talabalarini har tomonlama qo‘llab-quvvatlab, ularning nafaqat ta’limda, balki sport maydonlarida ham yuksak natijalarga erishishi uchun barcha sharoitlarni yaratib kelmoqda.

E’zozbekni ushbu katta g‘alaba bilan samimiy tabriklaymiz va kelgusida ham yangi cho‘qqilarni zabt etishiga tilakdoshmiz!