#qonunchilikdagi_yangiliklar
#barqarorlik_reytingi

Soliq imtiyozlari va preferensiyalar yuridik shaxslar reyting darajasidan kelib chiqib beriladi

Prezident qarori bilan soliq imtiyozlari, subsidiyalar va preferensiyalarni yuridik shaxslarning reyting darajasidan kelib chiqib taqdim etish tartibi tasdiqlandi. Bunda imtiyozlar amaldagisiga nisbatan quyidagi miqdorlarda taqdim etiladi:

🟩Yuqori toifa
▫️“AAA” – 100 %
▫️“AA” – 90 %
▫️“A” – 80 %

🟦O‘rta toifa
▫️“BBB” – 70 %
▫️“BB” – 60 %
▫️“B” – 50 %.

Muhim! Mazkur yangi tartib, bugungi kungacha amalda boʻlgan imtiyozlarga taʼsir qilmaydi. Yaʼni tadbirkorlik subyektlariga bugungi kungacha berilgan va foydalanayotgan mavjud imtiyozlarga tatbiq etilmaydi.

Ma'lumot uchun. Bugungi kunda AAA toifadagi tadbirkorlik subyektlari soni oy boshiga nisbatan 304 taga koʻpayib 479 tani, AA toifadagilar soni 494 taga oshib 1 449 tani, A toifadagilar soni 718 taga oshib 2 206 tani tashkil etmoqda.

BBB toifadagilar soni esa oy boshiga nisbatan 2 990 taga oshib 11 504 taga, BB toifadagilar soni 4 544 taga oshib 26 219 taga,
B toifadagilar 6 576 taga oshib 46 834 taga yetdi.

Shuningdek bir oy ichida eng quyi D toifasidagi 73 507 ta tadbirkorlik subyektlarining reyting koʻrsatkichlari yaxshilanib C toifasiga chiqishiga erishildi.

Тelegram |Facebook* |Youtube| Instagram* |X| Threads