"Abduqodirga o‘xshagan bolalar ko‘p o‘zi dunyoda, lekin ularni bilib-bilmasdan chekkaga surib qo‘yish, tanish-bilishchilik va hokazo — bu bizga manfaat bermadi. Dunyo O‘zbekiston futbolchi yoshlariga qarab turibdi, lupada qarab turibdi. Har birlaringning harakatlaringni manaman degan katta-katta kompaniyalar, davlatlar har kuni qaraydi. Maqsadimiz- o‘zimizning milliy futbolni kelajagiga zamin yaratish.

Baribir sharoit bo‘lmasa, imkoniyat bo‘lmasa, faqat futbolda emas, boshqa bironta sport turi bo‘yicha rivojlanish mumkin emas. Futbolni O‘zbekistonda yomon ko‘radigan odam yo‘q desak, to‘g‘ri bo‘ladi, hamma yaxshi ko‘radi.

Mana bizning yoshligimizda tirnog‘imiz tushib, qon chiqib, svetni tagida sharoit bo‘lmasdan o‘ynardik. U payti boshqa zamon edi. Lekin shu zamonlarni ko‘rgan odam sifatida sizlarga hamma sharoit yaratyapmanki, sizlar zamonga munosib bo‘lib, harakat qilsangiz, chora-tadbirlarimiz natija beradi."