Бугун Одил судлов академиясида спикер сифатида иштирок этдим. Тажрибали судьялар ва медиа мутахассислари билан "Медиакоммуникация" ҳақида гаплашдик.

Ростини айтсам, аудиторияга киришдан олдин бироз ҳаяжон бўлди. Чунки залда — ўз ишини чуқур биладиган, тажрибали судьялар ва ахборот хизмати мутахассислари.

Мен тақдимотимда бир нечта саволларни ўртага ташладим:

— Нега бизда ҳамма танийдиган машҳур судьялар йўқ?
— Судья учун шахсий бренд қанчалик муҳим? (Америкалик судья Френк Каприо мисолида)
— Суд қарорларини “юридик тил”дан “одам тили”га ўтказмасак, жамият уни қандай тушунади?
— Резонанс бўлган суд ишларининг ОАВда ёритилиши — хавфми ёки имконият?
— Суд ишининг очиқ ва ёпиқ кўрилиши: хорижда қандай?
— Инқирозли вазиятларда интервью бериш…

Президент Администрацияси ташаббуси ва Контент тайёрлаш маркази билан ҳамкорликда ташкил этилган бу тадбирдан хулосам шундай: Интервью беришдан қўрқмайдиган, ўз брендига эга судьялар даври келяпти. Ҳозир очиқлик - танлов эмас, эҳтиёж.