Haydovchilar diqqatiga!

Ertadan — 1 apreldan boshlab O‘zbekistonda yo‘l harakati qoidalarini buzganlik uchun jarima ballari tizimi amalda hisoblanishni boshlaydi.

Tizimga ko‘ra, har bir qoidabuzarlik uchun haydovchiga muayyan miqdorda jarima ballari beriladi (aniq nechta ball berilishi alohida belgilanadi). Bir qoidabuzarlik uchun maksimal 2 ballgacha hisoblanadi.

Jarima ballari bir yil davomida amal qiladi va birinchi qoidabuzarlik qayd etilgan kundan boshlab hisoblanadi. Agar shu davr ichida haydovchi 12 ball yoki undan ortiq to‘plasa, u holda haydovchilik huquqidan kamida 6 oyga mahrum etish masalasi ko‘rib chiqiladi. Shundan so‘ng, huquqni tiklash uchun nazariy va amaliy imtihonlarni qayta topshirish talab etiladi.

Tizim doirasida:
• 8 ball to‘planganda haydovchiga SMS orqali ogohlantirish yuboriladi;
• 12 ballga yetganda esa ma’lumot sudga yuboriladi.