✈️ VIETJET QAZAQSTAN әуе компаниясы ішкі туризмді дамытуға және Орталық Азиядағы өңірлік бағыттарды кеңейтуге назар аударып отыр. Бұл жақын қашықтықтағы бағыттарға деген сұраныстың артуымен байланысты.

Атап айтқанда, Астана — Балқаш және Астана — Үржар бағыттары бойынша жаңа маусымдық рейстер жақын арада іске қосылады, сондай-ақ Астана — Самарқанд және Астана — Бішкек бағыттарындағы рейстердің жиілігі арттырылуда.

Бұл туралы Игорь Чернявский, кірістерді басқару бөлімінің Басшысы, KITF 2026 аясында өткен «Авиастратегия 2026: қысқа қашықтық, жаңа нарықтар және жыл бойғы Азия» панельдік сессиясында атап өтті.

Аталған алаң саладағы өзекті өзгерістерді көрсетеді: қысқа бағыттарға сұраныстың артуы, өңірлік байланыстың күшеюі және Орталық Азия бағыттарына қызығушылықтың өсуі.