24 Июля - Память Равноапостольной Ольги, великой княгини Российской, во Святом Крещении Елены (969).

Княгиня Ольга, в крещении Елена — бабушка Крестителя Руси святого князя Владимира. Пережив глубокое изменение и обращение ко Христу, она самой жизнью явила образ христианской веры и благочестия.Святая Ольга называется равноапостольной, поскольку её труды и, особенно, пример её жизни впоследствии сыграли большую роль в выборе веры святым князем Владимиром.

Тропарь, глас 1
Кpила́ми богоpазу́мия впеpи́вши твой ум, /возлете́ла еси́ пpевы́ше ви́димая тва́pи, /взыска́вши Бо́га и Твоpца́ вся́ческих, /и, Того́ обpе́тши, па́ки pожде́ние Кpеще́нием пpия́ла еси́, /дpе́ва живо́тнаго наслажда́ющися, нетле́нна во ве́ки пpебыва́еши, //О́льго пpисносла́вная.

Кондак, глас 4
Воспое́м днесь Благоде́теля всех Бо́га, /просла́вльшаго в Росси́и О́льгу Богому́друю: /да моли́твами ея́ /пода́ст душа́м на́шим //грехо́в оставле́ние.

Величание
Велича́ем тя, свята́я равноапо́стольная княги́не О́льго, я́ко зарю́ у́треннюю в земли́ на́шей возсия́вшую и свет ве́ры Правосла́вныя наро́ду своему́ предвозвести́вшую.

Молитва

О, свята́я равноапо́стольная вели́кая княги́не О́льго, первоуго́днице Росси́йская, те́плая о нас пред Бо́гом хода́таице и моли́твеннице! К тебе́ прибега́ем с ве́рою и мо́лимся с любо́вию: бу́ди нам во всем ко бла́гу помо́щница и споспе́шница и, я́коже во вре́менней жи́зни тща́лася еси́ просвети́ти пра́отцы на́ша све́том святы́я ве́ры и наста́вити я́ твори́ти во́лю Госпо́дню, та́ко и ны́не, в Небе́сней пребыва́еши све́тлости, благоприя́тными твои́ми к Бо́гу моли́твами вспомоществу́й нам в просвеще́нии ума́ и се́рдца на́шего све́том Ева́нгелия Христо́ва, да преспева́ем в ве́ре, благоче́стии и любви́ Христо́ве. В нищете́ и ско́рби су́щия уте́ши, бе́дствующим пода́ждь ру́ку по́мощи, оби́димыя и напа́ствуемыя заступи́, заблу́дшия от пра́выя ве́ры и ересьми́ ослепле́нныя вразуми́ и испроси́ нам у Всеще́драго Бо́га вся блага́я и поле́зная жи́зни вре́менней и ве́чней, да та́ко благоуго́дне зде пожи́вше, сподо́бимся насле́дия благ ве́чных в безконе́чном Ца́рствии Христа́ Бо́га на́шего, Ему́же со Отце́м и Святы́м Ду́хом подоба́ет вся́кая сла́ва, честь и поклоне́ние всегда́, ны́не и при́сно и во ве́ки веко́в. Ами́нь.

канал Колокол🔔 @pravvera