22 июля - Икона Богородицы Кипрская (Стромынская)

По преданию, этот древний почитаемый образ был дан преподобным Сергием Радонежским в благословение своему ученику Савве, второму игумену Стромынского монастыря. Долгое время икона являлась местночтимой, но после случая исцеления с ее помощью в 1841 году от недуга восемнадцатилетней девушки, была широко прославлена и внесена в общецерковное почитание.

Тропарь Божией Матери пред Иконой Ее «Кипрская», (общий Богородичный),
глас 4
К Богородице прилежно ныне притецем, / грешнии и смиреннии, и припадем, / в покаянии зовуще из глубины души: / Владычице, помози, на ны милосердовавши, / потщися, погибaем от множества прегрешений, / не отврати Твоя рабы тщи, // Тя бо и едину надежду имамы.

 Кондак Божией Матери пред Иконой Ее «Кипрская», (общий Богородичный),
глас 6
Предстaтельство христиан непостыдное, / ходaтайство ко Творцу непреложное, / не презри грешных молений глaсы, / но предвари, яко Благaя, на помощь нас, верно зовущих Ти; / ускори на молитву, и потщися на умоление, // предстaтельствующи присно, Богородице, чтущих Тя.

 Величание
Величаем Тя, / Пресвятая Дево / Богоизбранная Отроковице / и чтим образ Твой святый, / имже точиши исцеления // всем с верою притекающим.

Молитва

Нескверная, нетленная, пречистая Дево, Богоневесто Владычице, яже Бога Слова человеком преславным Твоим Рождеством соединившая, и отринувшееся естество рода нашего небесным совокупльшая, яже ненадежных едина надеждо и боримых помоще, готовое заступление к Тебе притекающих, и всех Христиан прибежище!
Не гнушайся мене грешнаго, сквернаго, разумом лености сластей жития раба бывша.
Но яко человеколюбиваго Бога Мати, человеколюбне умилосердися о мне грешнем и блуднем, и приими мое еже от скверных устен приносимое Тебе моление; и Твоего Сына, нашего Владыку и Господа Иисуса Христа, Матернее Твое дерзновение употребляющи, моли, да отверзит и мне человеколюбныя утробы Своея благости, и презрев моя безчисленная прегрешения, обратит мя к покаянию, и Своих заповедей делателя искусна явит мя.
Емуже подобает всякая слава, честь и поклонение, со Безначальным Его Отцем и Пресвятым и Благим и Животворящим Его Духом, ныне и присно и во веки веков. Аминь.

канал Колокол🔔 @pravvera