20 июля- день иконы Божией Матери «Влахернская»

Влахернская икона Божией Матери обретена в Иерусалиме императрицей Евдокией, во времена святителя Ювеналия, Патриарха Иерусалимского, и преподобного Евфимия Великого. Святая икона была послана в Константинополь, где императрица Пульхерия поставила её в церкви Влахернской, там же хранилась честная риза Богородицы.
После падения Константинополя в 145З году, Влахернская икона была перенесена на Афон, а в 1654 году прислана афонскими иноками в Москву, в дар царю Алексею Михайловичу. Сейчас образ находится в Успенском соборе Московского Кремля.

Тропарь, глас 4
К Богоро́дице приле́жно ны́не притеце́м,/ гре́шнии и смире́ннии, и припаде́м,/ в покая́нии зову́ще из глубины́ души́:/ Влады́чице, помози́, на ны милосе́рдовавши,/ потщи́ся, погиба́ем от мно́жества прегреше́ний,/ не отврати́ Твоя́ рабы́ тщи,// Тя бо и еди́ну наде́жду и́мамы.

Кондак, глас 6
Предста́тельство христиа́н непосты́дное,/ хода́тайство ко Творцу́ непрело́жное,/ не пре́зри гре́шных моле́ний гла́сы,/ но предвари́, я́ко Блага́я, на по́мощь нас,/ ве́рно зову́щих Ти:/ ускори́ на моли́тву и потщи́ся на умоле́ние,// предста́тельствующи при́сно, Богоро́дице, чту́щих Тя.

Величание
Велича́ем Тя, /Пресвята́я Де́во, /Богоизбра́нная Отрокови́це, /и чтим о́браз Твой святы́й, /и́мже то́чиши исцеле́ния //всем с ве́рою притека́ющим.

Молитва

Цари́це моя́ преблага́я, наде́ждо моя́ Богоро́дице, прия́телище си́рым и стра́нным засту́пнице, бе́дствующих по́моще и озлобля́емых покро́ве, зри́ши мою́ напа́сть, зри́ши мою́ ско́рбь: отвсю́ду искуше́нием одержи́м е́смь, а заступа́ющаго несть. Ты у́бо Сама́ помози́ ми я́ко не́мощну, окорми́ мя я́ко стра́нна, наста́ви я́ко заблу́ждша, уврачу́й и спаси́ я́ко безнаде́жна. Не и́мамы ины́я по́мощи, не и́мамы ины́я наде́жды, ра́зве Тебе́, Влады́чице, Ты нам помози́, на Тебе́ наде́емся и Тобо́ю хва́лимся, Твои́ бо есмы́ раби́, да не постыди́мся. Под Твою́ ми́лость прибега́ем, Богоро́дице Де́во, моле́ний на́ших не пре́зри в ско́рбех, но от бед изба́ви нас, Еди́на чи́стая и благослове́нная. Ами́нь.

канал Колокол🔔 @pravvera