کوردی:

بە ناوی خوای بەخشەندە و میهرەبان
سڵاو و ریزم هەیە لە خزمەت هەموو ئێوەی ئازیز و خۆشەویستدا

هەر وەکوو ئاگادارن، بڕیار وابوو کە ڕۆژی هەینی ٣١ی پووشپەڕی هەتاویی لە دووەمین خولی فێستیڤاڵی مۆسیقای دێرینی کوردستان لە گوندی گەشتیاری و مێژوویی پاڵنگانی کامیاران، مۆسیقای عیرفانی پێشکەش بکەم، بەڵام بە هۆی ناتەبایی و ئەو باروودۆخەی کە هەبوو و هەروەها کردەوەی نەگونجاویی ژمارەیەک بەناوهونەرمەندی ژه‌نیاری ده‌ف، لە پێشکەشکردنی ئەم بەرنامەیە پاشگه‌ز بوومەوە و لەم فێستیڤاڵەدا، بەرنامەی عیرفانیی پێشکەش ناکەم.
ئەگینا پێشکەش کردنی بەرنامە و کۆنسێرتی مۆسیقا، لە کوردستانی خۆشەویست، هەموو کات لە شانازییەکان و هەروەها یەکەمین ئەرکە سەرەتاییەکانی کاریی و هونەریی من بووە و ڕۆح و دڵم بە عەشقی ئەم نیشتمانە جوان و هونەرپەروەرە لێدەدات و لە تەواویی ناخمدا، تەشەنەی سەندووە.

بژی کورد و کوردستان