Анатоль Лябедзька: «Праект закона аб статусе добраахвотнікаў ўнесены ў Вярхоўную Раду»

Гэта стала вынікам працяглай працы, якая пачалася ў сакавіку падчас круглага стала ў Кіеве. Ён быў арганізаваны разам з Украінскай прызмай — радай знешняй палітыкі, а да дыскусіі далучыліся Міхаіл Падаляк, дарадца Офіса Прэзідэнта Уладзіміра Зяленскага, а таксама дэпутаты Вярхоўнай Рады і намеснік міністра па справах ветэранаў.

Паводле дарадцы, цяпер ёсць кароткі тэрмін, каб прапрацаваць і накіраваць свае прапановы да законапраекта. Першыя заўвагі і прапановы ўжо паступілі ад беларускіх добраахвотнікаў, і каманда Святланы Ціханоўскай перадала іх украінскаму боку.

Прыняцце гэтага закона стане важным крокам для вырашэння праблемаў, з якімі сутыкаюцца беларусы, што ваююць за свабоду Украіны і Беларусі.

Анатоль Лябедзька:
«Сёння мы атрымалі пазітыўную навіну — праект закона ўнесены. Цяпер у нас ёсць вельмі кароткі тэрмін, каб даць свае прапановы.

Азнаёміцца з законапраектам можна па спасылцы.