Президент Раҳмон икки ҳафтадан сўнг илк бор кўриниш берди

Ўзбекистон бош вазири Абдулла Арипов 17-феврал куни Душанбеда Тожикистон президенти Эмомали Раҳмон билан учрашди. Бу ҳақда Тожикистон президент матбуот хизмати хабар берди.

Томонлар савдо ва иқтисодий ҳамкорлик масалаларини муҳокама қилди. 2025-йилда икки давлат ўртасидаги савдо ҳажми 504 миллион доллардан ошгани айтилди. Саноат, қишлоқ хўжалиги ва яшил энергетика соҳаларида ҳамкорликни кенгайтириш режалари ҳам тилга олинди.

Учрашув Раҳмоннинг икки ҳафталик жамоат олдида кўринмаслигидан кейин бўлиб ўтди. Бу даврда унинг соғлиғи ҳақида турли тахминлар пайдо бўлди. Расмийлар танаффус сабабига изоҳ бермади.

YouTube |Instagram* |Telegram
Twitter |WhatsApp |Facebook*

Bizga xabar yo'llash uchun
👉Telegram