Россиялик арбоблар Марказий Осиёга босим ва навбатдаги “махсус амалиёт”дан гапирмоқда

Ижтимоий тармоқларнинг ўзбек сегменти ва қатор таниқли шахслар бир неча кундирки, Россия Думаси депутати, собиқ боксчи Николай Валуевнинг Марказий Осиёда навбатдаги “махсус ҳарбий амалиёт” ўтказиш чақириғи акс этган видеони қизғин муҳокма қилмоқда.

Ўзбекистондаги қатор нашрлар ва ижтимоий тармоқларда тарқалган видеода Валуев, гўёки рус ёшларини Марказий Осиё давлатларига қарши “махсус ҳарбий амалиёт” ўтказишга тайёргарлик кўришга чақиради.

Аммо, Озодлик визуал таҳлил натижасида бу видеонинг сунъий интеллект ёрдамида сохталаштирилгани эҳтимоли юқори эканини аниқлади.

Ўзбекистондаги жамоатчиликни жунбушга келтирган бу видеодаги баёнот - яъни, Марказий Осиёга ҳарбий босқин чақириғи сал аввал Кремлга яқин бошқа тарғиботчилар томонидан ҳам тилга олинганди.

OZODNEWS дастурининг навбатдаги сони билан танишинг!

YouTube |Instagram* |Telegram
Twitter |WhatsApp |Facebook*

Bizga xabar yo'llash uchun
👉Telegram