2025 трендлар: Таҳқирланган мигрантлар

2025 йилда интернетда кенг муҳокама бўлган мавзуларнинг яна бири – Россиядаги мигрантларнинг таҳқирланишига оид воқеалар бўлди. Россияда хавфсизлик кучлари Марказий Осиё давлатларидан бориб ишлаётган мигрантларни калтаклаган, хўрлагани акс этган видеолар тармоқларда кўпайди.

Россияда куч ишлатар тузимларнинг мигрантлар яшаган ётоқхоналар, ҳаммомлар, кафе ва ресторанларга қурол билан бостириб кириб, уларни калтаклаб, эмаклатиб, уриб-тепиб олиб кетган ҳолатлар йил бўйи давом этди. Кремль бу каби рейдларни “қонунсиз миграцияга қарши кураш” деб атайди.

Бундай ҳолатлар йиллардан буён давом этмоқда. Аммо, 2025 йилда расмий Тошкент Москвага икки марта нота юборди. Россия Ташқи ишлар вазирлиги эса ҳолатлар ўрганилаётганини айтиш билан чекланди. Мигрантлар хуқуқларини поймол этганларга қандай чора кўрилгани хақида на Тошкент, на Москва маълумот бермади.

YouTube |Instagram* |Telegram
Twitter |WhatsApp |Facebook*

Bizga xabar yo'llash uchun
👉Telegram