2025 трендлар: Метан гази тақчиллиги ва норозилик

Якунига етган 2025 йилнинг боши ижтимоий тармоқларнинг ўзбек сегментида метан газ таъминотидаги узилишлар юзасидан билдирилган норозиликлар муҳокамаси билан бошланганди. Мазкур муҳокамалар марказида 46 ёшли ҳайдовчи Ғайрат Дўстов билан боғлиқ воқеа турди.

Аслида бу воқеа 2024 йилнинг охирида бўлса да, 2025 йил январь ойида ижтимоий тармоқларда кенг тарқалган ва қизғин баҳсларга сабаб бўлган. Дамас ҳайдаб тирикчилик қилган 46 ёшли Дўстов Тошкентдаги метан газ қуйиш шохобчасида тун бўйи навбат кутгани, аммо газ тугаб қолганига норозилик билдириб, расмийларга мурожаат қилганди.

Шундан сўнг, Тошкент шаҳар Бектемир тумани суди Дўстовни майда безорилик айби билан 15 сутка маъмурий қамоққа ҳукм қилган. Жамоатчиликдаги кескин танқидлардан кейин бир ҳафта ўтиб, унинг жазо муддати саккиз кунга қисқартирилиб, суд залида озод этилган.

YouTube |Instagram* |Telegram
Twitter |WhatsApp |Facebook*

Bizga xabar yo'llash uchun
👉Telegram