Каталікі святкуюць Вялікдзень. Пабывалі ў Вілейцы і вярнуліся з яркім фотарэпартажам

Гэтым разам мы наведалі касцёл Узвіжання Святога Крыжа, які знаходзіцца на плошчы Леніна ў Вілейцы. Храм узводзілі з 1906 па 1913 год, і ў выніку ў мястэчку з’явіўся цудоўны ўзор неагатычнай архітэктуры.

У нядзелю ў касцёлах працягнуцца набажэнствы, а вернікі нарэшце сядуць за святочны стол: павітаюць адно аднаго велікодным заклікам «Хрыстос уваскрос!» — «Сапраўды ўваскрос!», пакаштуць святочныя стравы і, безумоўна, пагуляюць у біткі пафарбаванымі яйкамі.

Тым часам праваслаўныя сёння адзначаюць Вербную нядзелю, а ўжо праз тыдзень таксама будуць святкаваць Пасху.