Ўзсаноатқурилишбанк раҳбарияти банк ёшлари билан учрашди

Жорий йилнинг 26 февраль куни SQB раҳбарияти банк тизимида фаолият юритаётган 200 нафарга яқин ёш ходимлар билан очиқ мулоқот ўтказди. Учрашувда муҳим янгилик эълон қилинди — эндиликда банкда Бошқарув раисининг ёшлар ишлари бўйича маслаҳатчиси фаолият юритади. Янги тизимга кўра, ёш ходимларнинг таклиф ва стартап ғоялари бевосита раҳбарият даражасида кўриб чиқилади, бу каби учрашувлар эса ҳар пайшанба куни мунтазам равишда ташкил этилиб, банк фаолиятини рақамлаштириш ва такомиллаштиришда ёшларнинг иштирокини янада оширишга хизмат қилади.