�� “Siz barchani rasmiy millioner qildingiz” — Grand Pharm Trade asoschisi prezidentga murojaat qildi.

5-mart kuni farmatsevtika sohasini rivojlantirish bo‘yicha o‘tkazilgan yig‘ilishda Grand Pharm Trade asoschisi Azizxo‘ja Abbosxo‘jayev so‘zga chiqdi.

Uning aytishicha, 2017-yilgacha sohada tekshiruvlar ko‘pligi va yuqori soliq yuklamasi (50% dan ortiq) biznesni qiyin ahvolga solgan.

Oxirgi yillarda soliqlar ikki baravar kamaygani va valyuta konvertatsiyasi soddalashgani tufayli tadbirkorlik muhiti sezilarli yaxshilangan.

“Bugun kompaniyalar aylanishi milliardlab so‘mga yetdi, barchamiz rasmiy millionerga aylandik”

Shu bilan birga, tadbirkor zavodga olib boruvchi yo‘l va elektr ta’minoti muammolarini ko‘tardi. Prezident bu masalalarni protokolga kiritib, infratuzilmasiz ishlab chiqarish bo‘lmasligini ta’kidladi.

Ma’lumot uchun:
�� Grand Pharm Trade 2015-yilda tashkil etilgan
�� Ustav kapitali — 39,8 mlrd so‘m
�� 2025-yil 11 oyida 104,8 mlrd so‘m soliq to‘lagan (savdo sohasida 11-o‘rin)

��@latipovjahongir