Буюк ипак йўли метро бекати атрофи доимо одамлар билан гавжум, жонли, шаҳарнинг қарийб киндиги бўлган жойлардан бири. Назаримизча, ҳокимлик ўйлаётган лойиҳа жуда баҳсталаб. Бундай йўл ўтказгич ушбу жойга керак эмас.

Таклиф этилаётган ечим шаҳарни ҳунук, кўримсиз ва одамлар учун ноқулай қилади. Транспорт оқимини бошқа ечимлар билан ҳам яхшилаш мумкин.

Қуриладиган йўл ўтказгич ўзига машиналарни кўпроқ тортади, одамларни қочиради, уларнинг тўсиқсиз ҳаракатини чеклайди, шу атрофдаги бизнесга зарар келтиради ва аҳоли учун шовқинни кучайтиради.

Ундан кўра, Навоий кўчасида бир неча йил аввал қилинганидек, арзонроқ, ақллироқ ва оддийроқ ечимлар ҳақида ўйлаш керак.