Солиқлар ҳалиям одамларга тушунарсиз бўлиб қоляпти

Солиқ қўмитасининг 2026 йилнинг биринчи етти ойига бағишланган статистикаси соҳадаги жиддий муаммони юзага чиқарди. Электрон тизим орқали келиб тушган 29,8 мингта мурожаатнинг тенг ярми амалдаги солиқларни тушунмаслик ва уларга изоҳ сўраш билан боғлиқ. Бу кўрсаткич қонунчилик ҳамон соддалаштирилмагани ва аҳоли ҳамда бизнес учун мураккаблигича қолаётганини кўрсатади.

Эътиборлиси, мурожаатларнинг асосий улуши — 36 фоизи молиявий ва ҳуқуқий саводхонлик даражаси нисбатан юқори ҳисобланган Тошкент шаҳри ҳиссасига тўғри келган.

Тизим мурожаатларнинг 95 фоизини ижобий ҳал этганини билдирса ҳам, тушунтириш беришга бўлган юқори талаб солиқ тизимида очиқлик ва тушунарли мулоқот етишмаётганидан далолат беради.

@kun_xabarlari_yangiliklari