ភ្លើងតូច ឆាប់ពន្លត់ កុំទុកយូរ។ ភ្លើងធំ ជួយគ្នាចាក់ទឹកពន្លត់ កុំចាក់សាំងទើបរស់នៅបានសុខសាន្ត។

តើអ្វីជាគុណសម្បត្តិនៃការធ្វើអំពើល្អនិងការរស់នៅដោយសុច្ចរិត?

បើគ្មាននរណាលើកទឹកចិត្តអ្នកទេ កុំភ្លេចលើកទឹកចិត្តខ្លួនឯង។ អំពើល្អ ទឹកចិត្តល្អដែលអ្នកបានសាង មិនរត់ចោលអ្នកទេ។ ឈានដើរទៅមុខ ឆ្លងកាត់ការលំបាកនេះ ដោយស្មារតីស្វាហាប់ ផលល្អនឹងបានសម្រេចដល់អ្នកសាងល្អ។

💡កំណាព្យព្រះអង្គផ្ដែផ្ដាំចំពោះយុវជនអ្នកនៅវត្ត

ហៃពួកយុវជនអ្នកកម្សត់
បើកុំបានវត្តជ្រកអាស្រ័យ
សមអ្នកនឹងឥតមានតម្លៃ
យប់ថ្ងៃហួសទៅឥតប្រយោជន៍។

គួរអ្នកកុំភ្លេចវត្តលំនៅ
ទោះអ្នកចេញទៅឆ្ងាយស្រឡោច
គួរដឹងគុណវត្តកុំបង្ហោច
ប្រយោជន៍និងផលផ្តល់ពុំខាន។

បើមានគេសួរពីការរៀន
ចំណេះរបៀនទាំងប៉ុន្មាន
អ្នកកុំនិយាយបង្វែងដាន
ត្រូវប្រាប់ថាបានចេះពីវត្ត។

កុំពោលបង្អួតពួកស្រីៗ
ត្រូវស្តីតាមត្រង់កុំបំភ្លាត់
បំប្លែងបំផ្លើសបំភ្លេចវត្ត
ក្រែងទោសទាញទាត់ឱ្យវិនាស។

បាយវត្តជាភោជន៍មានព្រលឹង
គួរនឹករំពឹងកុំទីសទាស
នាម៉ឺនមន្ត្រីមកពីរាស្ត្រ
គឺរាស្ត្រឡើងទៅជាមន្ត្រី។

បាយផ្ទះបាយវត្តដូចជាគ្នា
ចម្អែតអាត្មាមានជីវី
ឆ្អែតហើយរៀនសូត្រចេះខ្ទេចខ្ទី
មុនីកើតមានដោយសារវត្ត។

សាធុ ! សូមឱ្យអ្នកបានសុខ
និរទុក្ខនិរភ័យសិរីភ័ទ្រ
ជាជនសប្បុរសរបស់រដ្ឋ
មានបែបមានបទប្រសើរហោង។

សម្តេចព្រះមហាសុមេធាធិបតី (ជួន ណាត ជោតញ្ញាណោ) ថ្ងៃទី១៦ ឧសភា ១៩៦៣

{បុណ្យចូលឆ្នាំខ្មែរ} ជាបុណ្យប្រពៃណីជាតិដែលប្រជាជននៅក្នុងប្រទេសកម្ពុជាតែងតែប្រារព្ធធ្វើជារៀងរាល់ឆ្នាំ ����✨។ នៅក្នុងពិធីបុណ្យចូលឆ្នាំខ្មែរ មានការរៀបចំដូចតទៅ៖ ពិធីបុណ្យចូលឆ្នាំ ប្រព្រឹត្ដទៅ ០៣ ថ្ងៃ គឺនៅថ្ងៃទី១៣, ១៤, ឬ ១៥ ខែមេសា �� ព្រោះជារដូវកាលដែលប្រជាជនខ្មែរមានពេលទំនេរពីការប្រមូលផលស្រូវ និងដំណាំកសិកម្មផ្សេងៗ ����។

ពាក្យសម្ដីញោមខ្លះអត់អនាម័យ និយាយខ្វះចិត្តមេត្តា។ វចីទុច្ចរិតមានបាបផង មានកម្មពៀរផង។

អនុមោទនាថ្ងៃ ឧបោសថសីល🙏🙏🙏
——
ថ្ងៃព្រហស្បតិ៍ ១៥កើត ខែចេត្រ ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី២ ខែមេសា ឆ្នាំ២០២៦

រៀនរំលឹកដល់រឿងល្អៗ រឿងបុណ្យកុសល ធ្វើឱ្យចិត្តអ្នកបាន សប្បាយស្រស់ស្រាយ។ រឿងមិនល្អ កុំសូវរំឭកវាញឹកញាប់ពេក ព្រោះនាំឱ្យក្តៅក្រហាយ អ្នកអាចលើកមកដាស់តឿនខ្លួនឯង និង មិត្តភក្តិបាន ហើយបើរលឹកទៅ កើតចិត្តមួម៉ៅ ត្រូវប្រញ៉ាប់ដូរចិត្ត ទៅគិតរឿងផ្សេង រឿងដែលនាំឱ្យអ្នករីករាយចិត្តវិញ។