Bu yil “So‘nggi qo‘ng‘iroq” bayram tadbiri Jizzax viloyatida o‘zgacha shukuh va ko‘tarinki kayfiyatda tashkil etildi

Viloyat hokimi Ulug‘bek Mustafoyev ishtirok etgan tantanali tadbirda viloyatdagi qariyb 20 mingga yaqin maktab bitiruvchilari orasidan eng yuqori ball to‘plab, muddatidan oldin talaba bo‘lgan 304 nafar o‘quvchi hamda uyda ta’lim olib, maktabni tamomlayotgan 60 nafar bitiruvchi va ularning ota-onalari qatnashdi.

Tadbir davomida viloyat hokimi Prezidentimizning bitiruvchi yoshlarga yo‘llagan bayram tabrigini o‘qib eshittirdi hamda bitiruvchilarga esdalik sovg‘alarini tantanali tarzda topshirdi.

Shuningdek, viloyat hokimi farzandlar tarbiyasi va ta’limiga qo‘shayotgan hissasi uchun bitiruvchilarning ota-onalariga minnatdorlikchilik bildirib, ularni tashakkurnomalar bilan taqdirladi.

Bayram tadbiri konsert dasturi bilan davom etib, ishtirokchilarga ko‘tarinki kayfiyat ulashildi.

🇺🇿Kanalga ulanish:
@jizzaxviloyatihokimi