Samimiy muloqot davomida rektor abituriyentlarni qutlab, ularga omad tiladi hamda qabul jarayonlari va undan keyingi ta’lim jarayoni haqida batafsil ma’lumot berdi. Shuningdek, abituriyentlarga institut mas’ullari tanishtirildi.

Uchrashuvda suhbat jarayonlarining shaffof, adolatli va xolis tashkil etilishi, korrupsion holatlarga yo‘l qo‘ymaslik, har bir abituriyent bilan o‘tkaziladigan suhbat jarayonining video tasvirga olinishi kabi masalalarga alohida e’tibor qaratildi.

Muloqot davomida abituriyentlarni qiziqtirgan savollarga rektor tomonidan batafsil javob berildi. Shuningdek, hal etilmagan masalalar, muammolar, shikoyat yoki takliflar yuzaga kelgan taqdirda institut rektorining virtual qabulxonasiga murojaat qilishlari mumkinligi ta’kidlandi.

Shundan so‘ng abituriyentlar bilan suhbat jarayonlari boshlandi.

Suhbat jarayonlarining shaffof, adolatli va xolis o‘tkazilishini ta’minlash maqsadida institut tomonidan barcha zaruriy choralar ko‘rilgan.

Jizzax politexnika institutida Qabul-2026 jarayonlari belgilangan tartib va mezonlar asosida davom etmoqda.