منبعلرنینگ ایتیشیچه، طالبان تامانیدن «بلخ ملی تلویزیونی»ده آلیب باریله‌یاتگن باستیرووچی و کمسیتووچی سیاستلر نتیجه‌سیده تجربه‌لی و ملَکه‌لی خادملر ایشینی ترک اېتیشگه مجبور بۉلماقده، عیاللر اېسه بوتونله‌ی ایشدن چېتلشتیریلگن. منبعلرگه کۉره‌، طالبان نینگ کیینیش، دستور مضمونی، یایین تیلی و قطعی دینی سیاستلرنی دایمی اره‌لشووی خادملرنینگ انگیزه‌سینی کمه‌یتیرگن و تلویزیون بی‌واسطه‌ طالبان سیاستلری نینگ ترغیبات مرکزیگه ایلنتیرگن.

طالبان نظارتی آستیده‌گی بلخ ملی رادیو و تلویزیونی اداره‌سیده‌گی منبعلرنینگ ایتیشیچه، کمسیتووچی سیاستلر، تیریک موجوداتلر تصویرینی کۉرسه‌تیش تقیقلنیشی همده‌ خادملرنینگ برچه‌ ایش و شخصی ایشلریگه اره‌لشوو کۉپلب تجربه‌لی و ملَکه‌لی خادملرنینگ ایشنی ترک اېتیشیگه سبب بۉلگن.

منبعلرگه کۉره‌، طالبان نینگ محلی مسووللری نه‌ ایش تجربه‌سیگه اېگه‌، نه‌ بیلیمگه اېگه‌ بۉلیب، ملَکه‌لی خادملرگه ایشانمه‌یدی و اولرنینگ برچه‌ ایشلریگه اره‌لشه‌دی.

‎کۉپراق اۉقینگ...
https://8am.media/uz/balkh-national-television-professional-staff-are-fleeing-and-the-talibans-unrestricted-actions/