مملکت اهالیسیدن اَیریملری‌نینگ ایتیشیچه، معمالرینی حل قیلیش، اینیقسه‌ کسللیکلرینی دوالش اوچون ایلگری شفاکارگه مراجعت قیلیشدن آلدین دعا یازووچیلرگه مراجعت قیلیشه‌دی. اولرنینگ دعوا قیلیشیچه، دعا یازووچیلرگه بارگندن سۉنگ اۉز حالتلریده نسبی یخشیلنیش کوزه‌تیلگن. اولرنینگ فکریچه، بو اصول شفاکارلرگه مراجعت قیلیشگه قره‌گنده‌‌ ارزانراق بۉلیب، هېچ بۉلمه‌گنده اولرگه ضرر یېتکزمه‌گن. شو بیلن بیر وقتده، اَیریملر بو مراجعتلرنینگ کۉپه‌ییشینی تشویشلی دېب بیله‌دی و طالبان حاکمیتگه کېلیشیدن سونگ همده‌ بیلیم یورتلر عیاللر اوچون یاپیلیشی آرتیدن، دعا یازووچیلرگه مراجعت کېسکین آشگنینی ایتیشه‌دی. اولرنینگ قۉشیمچه‌ قیلیشیچه، آدملر تورلی کسللیکلر، اینیقسه‌ سرطان و روحی بوزیلیشلرنی دوالش اوچون هم اوشبو شخصلرگه مراجعت قیلماقده. اوشبو اهالی نینگ فکریچه، دعا یازووچیلرگه مراجعت خرافات دیر و دعا یازیش کۉپراق درآمد تاپیش همده‌ آدملرنی الده‌ش واسطه‌سی صفتیده ایشله‌تیله‌دی. اولرنینگ آگاهلنتیریشیچه اگر بو جریان دوام اېتسه، جمعیتده خرافی اعتقادلر کېنگه‌ییب، ینه‌ده سلبی عاقبتلرگه آلیب کېله‌دی.

دعا یازووچیلرگه مراجعت قیلووچیلر اېسه حاضر کۉپلب مهم‌ و متخصصلیک لوازملرینی ملالر باشقره‌یاتگنینی، شونینگدېک دارو-درمان و دوالنیش خرجتلری جوده‌ یوقاری اېکنینی ایتیشه‌دی. اولرنینگ فکریچه، بو حالت کۉپلب آدملرنینگ ساغلیق تیزیمیگه ایشانمسلیگیگه و عقیده‌وی اصوللرگه مراجعت قیلیشیگه سبب بۉلگن.

دعا یازووچیلرگه بارگن اَیریملر بیر نېچه‌ مراته‌به دعا اۉقیتیشدن سۉنگ ساغه‌یگنینی یاکه ایستکلریگه یېتگنینی دعوا قیلیشه‌دی.

کۉپراق اۉقینگ...
https://8am.media/uz/between-prayer-and-medicine-why-do-people-still-turn-to-prayer-writers/