کېنگ ترقه‌لگن قشّاقلیک و مثلسیز ایشسیزلیک افغانستان اهالیسی نینگ حیاتینی تهدید آستیگه آله‌یاتگن بیر پیتده، طالبان عملدارلری دبدبه‌لی تۉی مراسملرینی اۉتکزیش، دولت امکانیتلریدن فایده‌لنیش همده‌ اوچینچی و تۉرتینچی نکاح‌لرنی عملگه آشیریشگه دوام اېتتیرماقده. مملکت اهالیسی بیر نېچه‌ بار طالبان عملدارلری نینگ دبدبه‌لی تۉی مراسملرینی تنقید قیلیب، بو گروه ایکّینچی، اوچینچی و تۉرتینچی نکاحلرنی اۉتکزیش بیلن بند بۉلگن بیر پیتده اهالی نینگ اکثریتی حتا بیر محل طعام تاپیشگه هم قُربی یېتمه‌یاتگنینی ایتیشگن. اولرنینگ سۉزلریگه کۉره‌، کمبغللرنینگ دسترخوانی‌دن کچالو‌ هم یۉقالگن و آدملر خرید قابلیتی پسه‌یگنی سببلی گوروچنی هم شعر بیلن تعریفله‌ی باشلشگن.

طالبان نینگ دبدبه‌لی تۉی مراسملری دوام اېتر اېکن، یقینده اسمی آشکار اېتیلمه‌گن بیر طالبان عملداری نینگ گُل بیلن بېزه‌تیلگن مو‌ترلری تۉیی اجتماعی ترماقلرده فایده‌لنووچیلر همده‌ سابق حکومت اَیریم وکیللری تامانیدن کېسکین تنقید قیلیندی. ویدیوده اوشبو عملدار اۉنلب مو‌ترلرنی گُللر بیلن بېزه‌تگنی کۉرینه‌دی.

مملکت اهالیسیدن بیری عبیدنینگ ایتیشیچه، آدملر حتا قوروق نان تاپیشگه هم قیینه‌له‌یاتگن بیر پیتده، طالبان عملدارلری سۉنگگی تۉرت ییلده کانلرنی ته‌لش و دولت بایلیکلرینی اۉزلشتیریش آرقه‌لی هر بیری اوچ-تۉرت مرته‌دن اویلنگن. اونینگ سۉزلریگه کۉره‌، بو نکاحلرنینگ کۉپی میلیونلب افغانی عوضیگه عملگه آشیریلگن بۉلیب، کمبغل عایله‌لر یاکه اۉزینی طالبانگه یقینلشتیرماقچی بۉلگن منفعتپرستلر اۉز یاش قیزلرینی بو گروه عملدارلری نینگ ایکّینچی، اوچینچی و تۉرتینچی نکاحلریگه بېریشگه مجبور بۉلیشگن.

کۉپراق اۉقینگ...
https://8am.media/uz/the-peoples-poverty-and-the-talibans-intoxication-from-bringing-the-bride-by-donkey-to-bulletproof-motor-vehicles/