۸صبح، کابل: نورالدین عزیزی، وزیر صنعت و تجارت طالبان، برای اشتراک در یک نمایشگاه بین‌المللی به نام (اینوپروم آسیای مرکزی) به اوزبیکستان سفر کرده است.

وزارت صنعت و تجارت طالبان روز دوشنبه، ۳۱ حمل، در خبرنامه‌ای گفته است که این نمایشگاه به منظور توسعه صنعت و تکنالوژی‌های پیشرفته و همکاری در بخش سرمایه‌گذاری برگزار می‌شود.

براساس خبرنامه، مقامات مسوول، سرمایه‌گذاران و تولیدکننده‌گان از کشورهای مختلف به شمول روسیه، بلاروس، قزاقستان، قرغیزستان و تاجیکستان حضور خواهند داشت.

به گفته طالبان، بیش از ۶۰ شرکت در سکتورهای پنبه، زغال‌سنگ، دارو و محصولات زراعتی از افغانستان نیز اشتراک کرده‌اند.

وزیر صنعت و تجارت طالبان پیش‌تر در نشست آنتالیا در ترکیه نیز شرکت کرده بود.

#روزنامه_۸صبح