کابل شهری‌نینگ بیر قطار اهالیسی اوشبو شهرده‌گی نانوایخانه‌لرده نان وزنی کمه‌یگنیدن شکایت قیلماقده. اولرنینگ ایتیشیچه، نرخلر اۉزگرمه‌ی قالگنیگه قره‌مه‌ی، ساتیب آلینگن نان وزنی طالبان نظارتی آستیده‌گی شهر حاکمیتی تامانیدن بېلگیلنگن معیارلرگه ماس کېلمه‌یدی و هر بیر نان حاضرده تخمیناً ۳۰ – ۴۰ گرا‌مگه کمه‌یگن. اولرنینگ سۉزلریگه کۉره‌، وزن کمه‌ییشیدن تشقری، نان صفتی هم سېزیلرلی درجه‌ده پهسه‌یگن. کابل اهالیسی تأکیدلشیچه، نان وزنی نینگ کمه‌ییشی و صفتی نینگ توشیشی، یېترلی نظارت نینگ یۉقلیگی بیلن بیرگه‌، عایله‌لر اوچون جدّی معماگه ایلنگن.

کابل‌نینگ اَیریم اهالیسی سۉنگگی هفته‌لرده شهرده‌گی نانوایخانه‌لرده نان وزنی و صفتی پسه‌یگنینی اَیتماقده. اولرنینگ سۉزلریگه کۉره‌، اون‌نینگ صفتسیزلیگی سبب نان صفتی هم یامانلشگن و نان ساویگه‌چ یېییشگه یره‌مه‌ی قالماقده.

۱۰ کیشیلیک عایله‌سیگه باقووچیلیک قیله‌یاتگن عیاللردن بیری شازیه، کابلده‌گی نانوایخانه‌لرده نان صفتی و وزنینی تشویشلی دېب حسابله‌یدی. او ایتیشیچه، اقتصادی امکانیتلری پست بۉلگنی سبب بو نانلردن فایده‌لنیشگه مجبور، بیراق سۉنگگی کونلرده نان وزنی کمه‌یگنی اوچون کۉپراق ساتیب آلیشگه مجبور بۉلماقده. اونینگ ایتیشیچه، نرخی ۲۰ افغانی بۉلگن نان اصلیده وزن جهتیدن ۱۰ افغانیلیک قیمتگه تېنگ.

کۉپراق اۉقینگ...
https://8am.media/uz/the-decrease-in-the-weight-of-bread-and-the-unchanged-prices-even-dry-bread-is-disappearing-from-peoples-tables/