✨ Jizzax shahrida Mustaqillikning 34 yilligiga bag‘ishlangan konsert dasturi ko‘tarinki ruhda o‘tdi.

Final sahnasida O‘zbekiston xalq artisti Gulsanam Mamazoitova o‘zining mashhur qo‘shig‘ini ijro etar ekan, undagi quyidagi satrlar zalni to‘lqinlantirdi:

“Agar jannat ko‘kda bo‘lsa – ostidadir O‘zbekiston,
Agar jannat yerda bo‘lsa – ustidadir O‘zbekiston.”

Bu misralar shunchaki qo‘shiq so‘zlari emas, balki yurtimizning beqiyos qadri va mustaqilligimizning nechog‘li ulug‘ ne’mat ekanini ifoda etib, tinglovchilar qalbiga chuqur singdi.

🎆 Konsert yakunida osmonga ko‘tarilgan mushakbozliklar esa ushbu tuyg‘ularni yanada yorqinlashtirib, bayramni unutilmas lahzalar bilan yakunladi.