🇺🇿 Aziz yurtdoshlar!

Barchangizni O‘zbekiston Respublikasi Davlat mustaqilligining 34 yillik bayrami bilan chin qalbimdan samimiy muborakbod etaman!

Mustaqillik — bu xalqimizning eng ulug‘ ne’mati, milliy g‘ururi va baxtli hayotining poydevoridir. Bugun biz erkin va ozod yurtda yashayotganimiz, ona Vatanimiz yuksalishi yo‘lida mehnat qilayotganimiz bilan faxrlanamiz.

Mustaqillik yillarida yurtimiz dunyoda o‘z nufuziga ega bo‘ldi, xalqimizning orzu-umidlari ushaldi, yangi avlod uchun yorqin kelajak eshiklari ochildi.

Shu qutlug‘ kunda yurtimiz tinchligi, osmonimiz musaffo bo‘lishini, el-yurtimiz farovonligi yanada ortishini Yaratgandan tilayman.

Bayram muborak, Aziz Vatandoshlar!

Gulsanam Mamazoitova,
O‘zbekiston xalq artisti