🇺🇿 O‘zbekiston mustaqilligining 34 yilligi

Bugun mamlakatimiz o‘zining eng ulug‘ ayyomi — Davlat mustaqilligi kunini nishonlamoqda. Ortda qolgan 34 yil davomida O‘zbekiston o‘z taraqqiyot yo‘lini topdi, siyosiy, iqtisodiy va ijtimoiy sohalarda yuksak natijalarga erishdi.

Davlatimiz mustaqilligi xalqimizga erkin va ozod yashash, o‘z taqdirini o‘zi belgilash imkoniyatini berdi. Shu yillar mobaynida O‘zbekistonning xalqaro nufuzi ortib, mamlakatimiz jahon hamjamiyatida munosib o‘ringa ega bo‘ldi.

Ushbu tarixiy yo‘lning boshlanishida Birinchi Prezidentimiz Islom Karimovning shijoati va qat’iyati alohida ta’kidlanishi zarur. U kishi xalqimizni mustaqillikka yetaklab, yangi davr poydevorini yaratdi.

Bugun esa mustaqillik — xalqimizning eng katta boyligi, milliy g‘ururi va kelajak avlodlar uchun bebaho merosdir.

#Mustaqillik34 #O‘zbekiston