Bugun Termiz shahrida “Vatan uchun, millat uchun, xalq uchun” shiori ostida O‘zbekiston Respublikasi Davlat mustaqilligining 34 yilligiga bag‘ishlangan tantanali tadbir bo‘lib o‘tdi.

Bayram dasturida san’at ahli keng ishtirok etdi. O‘zbekistonda xizmat ko‘rsatgan artistlar Hosila Rahimova, Jahongir Poziljonov va Bahrom Nazarov o‘z ijrolari bilan tomoshabinlarga bayramona kayfiyat ulashdilar.

Shuningdek, tantanaga O‘zbekiston xalq artistlari Mahmud Nomozov va Gulsanam Mamazoitovalar ham ishtirok etishdi. O‘zbekiston xalq artisti Gulsanam Mamazoitovaning ishtiroki alohida e’tiborga molik bo‘ldi. Xususan, Gulsanam Mamazoitova o‘zining jo‘shqin va yuksak mahorat bilan ijro etgan qo‘shiqlari orqali barchaga unutilmas onlarni taqdim etdi.

Viloyatning iqtidorli san’atkorlari ham sahnada o‘z chiqishlari bilan yurtimiz mustaqilligining 34 yilligiga munosib tuhfa bo‘lishdi. 🇺🇿🇺🇿🇺🇿🇺🇿🇺🇿