📍 «Іскер Аймақ» бағдарламасы серіктестерінің саны артты:
«Даму» қоры «Іскер Аймақ» атты шағын бизнесті қолдайтын бірыңғай бағдарлама аясында KZI Bank, Нұрбанк және Merz Leasing Machinery компанияларымен субсидиялау туралы келісімдерге қол қойды.

Бағдарлама өңдеу өнеркәсібі, тамақ өнімдері, жиһаз және құрылыс материалдарын өндіру, сондай-ақ қолөнер секілді басымдық берілген салалардағы микро және шағын кәсіпкерлерді жеңілдікпен қаржыландыру көздейді.

Атап айтқанда инвестиция мен айналым қаражатын толықтыру мақсатында алынған қарыздарды субсидиялау көзделген.
Қарыздың максимал сомасы – 200 млн теңгеге дейін
Субсидия мерзімі – 3 жылға дейін
Мемлекет сыйақы мөлшерлемесінің 40%-ын өтейді.

📌 Бағдарламаға қатысу үшін серіктес қаржы ұйымдарына жүгіну қажет.