«Ишончим комил, айнан шундай инсонлар орқали жамиятда янги ғамхўрлик маданияти шаклланмоқда» – Ўзбекистонда «Инсон» ижтимоий волонтёрлик тизими кенгаймоқда

Дастур доирасида Бўстонлиқ туманида волонтёрлар учун махсус ўқув жараёнлари ташкил этилди. Мазкур волонтёрлар ногиронлиги бўлган шахслар, кексалар ҳамда ижтимоий қўллаб-қувватлашга муҳтож фуқароларга амалий ёрдам кўрсатади.

Ташаббус аллақачон пилот босқичдан ўтган бўлиб, республиканинг 28 та ҳудудида синов тариқасида амалга оширилган. Ушбу жараёнда 440 нафар волонтёр томонидан аҳолига 2000 соатдан ортиқ ёрдам кўрсатилган.
Янги ўқув дастури 250 нафар волонтёрни қамраб олиб, уларнинг амалий ёрдам кўрсатиш, аҳоли билан ишлаш ва етакчилик кўникмаларини ривожлантиришга қаратилган.

Агентлик директорининг биринчи ўринбосари Шаҳноза Мирзиёева таъкидлашича, волонтёрлик ҳаракати жамиятда янги ғамхўрлик маданиятини шакллантиришга хизмат қилмоқда ва ижтимоий ҳимоя тизимининг муҳим бўғинига айланмоқда.

«Ишончим комил, айнан шундай инсонлар орқали жамиятда янги ғамхўрлик маданияти шаклланмоқда. Шу боис биз волонтёрлар ҳамжамиятини ижтимоий ҳимоя тизимининг муҳим қисми сифатида ривожлантирмоқдамиз», — дея таъкидлади Шаҳноза Мирзиёева Агентлик директорининг биринчи ўринбосари.

«Инсон» волонтёрлари давлат ислоҳотлари ва аҳолининг кундалик ҳаёти ўртасида боғловчи кўприк вазифасини бажариб, ижтимоий ҳимоя тизимини фуқароларга янада яқинлаштирмоқда.

Telegram I Facebook* I YouTube I Instagram*