Кўчадан “дайди” топиб баённома тузишни буюрган амалдор лавозимидан четлатилди

Тошкент шаҳри Олмазор тумани Ички ишлар бўлимида фаолият юритган амалдор Аброр Худойбердиев хизмат ваколатларини суиистеъмол қилгани учун лавозимидан озод этилди.

Бу ҳақда 11 апрель куни Ички ишлар вазирлигида ўтказилган матбуот анжуманида вазир ўринбосари Рамазон Ашрапов маълум қилди.

Маълум бўлишича, амалдор профилактика инспекторларига кўчадан “дайди” шахсларни топиб, уларга нисбатан маъмурий баённомалар расмийлаштириш бўйича топшириқ берган. Шунингдек, у ходимлар олдига “300 та баённома” тузиш режасини қўйган.

Ижтимоий тармоқларда тарқалган аудиода у ҳатто дайди топилмаган тақдирда, ходимларга ўзини ёки қариндошини шу тоифага киритиб, баённома расмийлаштириш мумкинлигини айтгани акс этган.

Telegram I Facebook* I YouTube I Instagram*