Навоийда бўлим мудири апелляцияда оқланди

Биринчи инстанцияда айбланган мансабдор — апелляцияда айбсиз деб топилди. Навоий вилояти судининг апелляция инстанциясида Хатирчи тумани мактабгача ва мактаб таълими бўлими мудири лавозимида ишлаган М.Мухторовга нисбатан чиқарилган ҳукм қайта кўриб чиқилди.

Суд қарорига кўра, М.Мухторов Жиноят кодексининг 167-моддаси (ўзлаштириш ёки растрата йўли билан талон-торож қилиш) ҳамда 209-моддаси (мансаб сохтакорлиги) бўйича айбдор деб топилмади ва оқланди. Апелляция инстанцияси иш материалларини қайта таҳлил қилиб, унинг ҳаракатларида жиноят таркиби мавжуд эмас, деган хулосага келган. Шу тариқа, мазкур иш бўйича апелляция босқичида якуний қарор қабул қилинди.

Telegram I Facebook* I YouTube I Instagram*