Замҳоким ушлангани расман тасдиқланди

Маълум қилинишича, у ўз хизмат мавқеидан фойдаланган ҳолда тадбиркорлик фаолиятини бошламоқчи бўлган фуқаронинг ишончига кирган.

Хусусан, амалдор Бобур шаҳри ҳудудида жойлашган давлат захирасидаги 20 сотих ер майдонини ваколатли мансабдорлар орқали аукционга қўйдириш, уни ютиб бериш ҳамда фуқаро номига расмийлаштиришни ваъда қилган. Шунингдек, келгусида ушбу ҳудудда қурилиш ишларини амалга ошириш учун рухсатнома олиб беришни ҳам зиммасига олган.

Эвазига эса у 50 минг АҚШ доллари талаб қилган.

Давлат хавфсизлик хизмати томонидан ўтказилган тезкор тадбир давомида амалдор сўралган пул маблағини ўз яшаш хонадонида олаётган вақтида ашёвий далиллар билан ушланди.

Telegram I Facebook* I YouTube I Instagram*