Адолат ва қудратнинг юксак тимсоли

ИИВ Маданият саройида ички ишлар органлари ходимлари иштирокида «Амир Темурнинг ҳарбий-сиёсий салоҳияти» мавзусига бағишланган «Маънавият ва маърифат» дарси бўлиб ўтди.

Тадбирда Ўзбекистон Фанлар академияси Тарих институти катта илмий ходими, Тарих фанлари бўйича фалсафа доктори (PhD) Низомиддин Гулбоев сўзга чиқиб, Соҳибқирон бобомизнинг давлат бошқаруви ва ҳарбий санъат ривожига қўшган улкан ҳиссаси ҳақида маълумот берди.

Хусусан, Амир Темурнинг кучли марказлашган давлат барпо этишдаги жасорати ҳамда жаҳон ҳарбий стратегиясида бугунги кунда ҳам ўрганилаётган ноёб тактик усуллари таҳлил қилинди.

Буюк бобокалонимизнинг «Куч — адолатдадир» деган шиори бугун Ўзбекистонда ҳуқуқ-тартиботни таъминлаш ва инсон ҳуқуқларини ҳимоя қилишда асосий мезон бўлиб қолаётгани алоҳида қайд этилди.

Аброр ПОЁНОВ,
катта сержант.

Telegram I Facebook* I YouTube I Instagram*